Basa Jawa : Pidhato / Sesorah Singkat Adicara Halal Bihalal
Assalamualaikum Wr. Wb.
Bapak ibu ingkang kula kurmati,
Lan para sedherek ingkang dipun rahmati Allah SWT
Langkung rumiyin sumangga kita sesarengan
ngunjukaken puji syukur ing ngarsanipun Gusti ingkang maha agung. Awit saking
rahmatipun kita sedaya tansah pinaringan kawilujengan saengga kita saged
makempal ing papan punika saperlu ngawontenaken halal bihalal.
Salawat lan salam mugi-mugi tansah kaparingan
dumatheng Nabi agung Muhammad SAW, mugi-mugi kula panjenengan sami saged angsal
syafaat wonten ing yaumul kiamah. Amiin..
Para sedherek ingkang dipun rahmati Allah,
sasampunipun kita nindakaken ibadah siyam sewulan muput, kesabaran kita sampun
dipunuji dening Allah SWT, mugi-mugi kanthi ujian punika kita saged ningkataken
taqwa kita dhateng Allah SWT.
Acara halal bihalal punika sampun dados pakulinane
warga masyarakat wonten ing desa kita sedaya. Halah bihalal saged ngraketake
paseduluran kula panjenengan sami, lan dados acara ingkang manfaat ugi barokah.
Pramila saking punika, acara kados mekaten niki kedah tetep dipun wontenaken. Kita
ugi ngrumaosi bilih kula panjenengan sedaya kemawon kathah anggadhahi
kalepatan-kalepatan. Pramila, wonten ing acara niki kita sami nglebur dosa lan
kalepatan kita sedaya, saengga saged suci malih kados dene bayi ingkang nembe
lahir.
Mugi-mugi kita sedaya dipun paringi umur dawa,
saengga saged anglampahi siyam maleh wonten ing Romadhon tahun ngajeng.
Lan acara niki punika mboten wonten
alangan, ugi tansah dipun paringi kelancaran.
Mekaten para sedherek sedaya ingkang saged kula
aturaken. Sedaya kekirangan lan klenta- klentunipun, kula nyuwun agunging
samudra pangaksami.
Wabilahitaufik wal hidayah,wassalamualaikum Wr. Wb
ABOUT THE AUTHOR
Hello We are OddThemes, Our name came from the fact that we are UNIQUE. We specialize in designing premium looking fully customizable highly responsive blogger templates. We at OddThemes do carry a philosophy that: Nothing Is Impossible
0 komentar:
Posting Komentar